2004.09.02
Jest taki miejsce
Jest taki miejsce na ziymi,
od innych miejsc fajniejsze,
tu wszystko sie zielyni
i dziołszki sóm szwarniejsze.
Tu ptoki lepszy śpiywajóm
i słónko bardzij grzeje,
gwiozdki fajnie mrugajóm,
miesiónczek do nos sie śmieje.
Jest taki miejsce na ziyni,
kaj wszystko jest na okróngło,
jak autym tu jadymy,
co chwila mómy róndo.
Na kole rowno idzie szusować,
bo narobili fajne dróżki,
a kto chce, może poszpacyrować.
My tyż już sporo uszli.
Na rynku sóm same kwiotka,
idzie sie wybrać na szpacyr,
ze kamratami sie spotkać
i piwa jakigo sie napić.
Jest taki miejsce na ziymi,
mo hołdy zamiast gór
i samolotym nad nimi
idzie polecieć do chmur.
Morza tyż tu niy ma,
chocioż jest wielko woda
co ciepło jest bez zima.
Chcecie, to wóm pokoża.
Jest taki miejsce na świecie,
fajniejsze od inkszych miast,
lepszego niy znojdziecie,
jo tu zaproszóm Was.
Chyba teraz już wiycie,
kere to z polskich miast
nojlepsze jest na świecie:
to Rybnik kochany nasz.
Fojerman
|